राजनांदगांव : कलेक्टर ह छत्तीसगढ़ी भाखा म करिस मतदान बर अपील
राजनांदगांव 25 अप्रैल 2024। कलेक्टर व जिला निर्वाचन अधिकारी श्री संजय अग्रवाल ह छत्तीसगढ़ी भाखा म जिला के जम्मो मतदाता मन ला मतदान करे बर अपील करे हे। कलेक्टर श्री संजय अग्रवाल हा अपन संदेश म कहिस जय जोहार... सब्बो मतदाता भाई-बहिनी मन ला सुरता देवात हो शुक्रवार 26 अप्रैल 2024 के हमर चुनई तिहार के दिन हवे। आप सब्बो मन ला अनुरोध हे आप मन मतदान केन्द्र म जा के मतदान जरूर करहू अउ अपन देश के लोकतंत्र ला मजबूत बनाए रखे बर अपन योगदान दे हू। मतदान हमर अधिकार बस नही हे हमर जिम्मेदारी घलो हवे, त आप मन अपन अउ परिवार के अउ तिर के रहवईया संगवारी मन जे ह 18 बरस के उपर के मतदाता हवे वो सब्बो मन ला मतदान बर भेज के अपन जिम्मेदारी ल जरूर निभाहू।...